Thursday, October 06, 2016

Urdu Kalam of Mir Anees #Muharram1438

Azamallaho Ojurana Be Musabina Bil Hussein Alaihis Salaam,

tareekh doosree thi kay daakhil huway imam
aur teesree kee subh ko aaee sipha-e-shaam
aanay ke shimer kay huwaee chothee ko dhoom dhaam
thee panchwee kay dasht-e-sitam bhar gaya tamaam
narga huwa chatee say shah-e-mashraqain par
haftum say band ho gaya paani hussain par

hum shakl-e-mustafa ko to attharawa(n) hai saal
tayra baras ka hai abhi shabbar ka nau nayhaal
nau das baras kay howai(n) gay zainab kay dono(n) laal
haa(n) ik jawa(n) hai(n) hazrat abbas-e-khush khasaal
chotai(n) hai(n) aur sab - koi un mai(n) jawa(n) nahi(n)
khat ik taraf - masai(n) bhi kisi kay ayaa(n) nahi(n)

sunta hoo(n) main(n) hai(n) do pisar-e-shah-e-naamdaar
beemar un mai(n) aik hai aur aik sheer khuwaar
zainab kay do hai(n) - teen hasan kay hain(n) gulaazar
das hai(n) aqeel-o-muslim-o-haider kay yaadgaar
zehra kay jaan-o-dil hai(n) mohammad kay piyaray hai(n)
kul satraa to chaand hai(n) baaqi sitaray hai(n)

-Mir Anees

No comments: