Thursday, November 28, 2013

Hindu Poet on Imam Hussain and Hazrat Ali...Poetry and Video...




Kalam : Brijnath Prashad Makhmoor Lucknawi

Brother of Mathur Lucknawi

Awaaz: Mahakavi

1. Ulfate Aale Mohammed ke iss aaine meiN/ Kuch dikhawa, na banawat, na ghulu shamil hai/ Isko maaNge ki aqeedat na samajh le duniya/ Meire sheiroN meiN mere dil ka lahu shamil hai/

2. Kya nazar ke saamne thEy, aur kya kahne lage/ Shaame Hijrat sab Ali* ko Mustafa* Kahne lage/ Be'sabab kahte na Haider* ko Nusairi apna Rab/ Kuch to deikha tha jo bande ko Khuda kahne lage/

3. Makhmoor! yeh to husn e aqeedat ki baat hai/ Koi kisi ke saath hai, koi kisi ke saath/ Jazbaat, qaid e Mazhab o Millat se duur haiN/ Hindu haiN, phir bhi dil hai hamara Ali* ke saath/

4. Wafa ki raah chalte haiN, wafa ki raushni waale/ Kalaame haq bhi padh leite haiN aayaate jali waale/ MusalmaN to nahiN haiN hum, magar itna samajhte haiN/ Dar e Jannat se wapas aa nahiN sakte Ali* waale/

5. Khayber kusha ke naam pa paththar ko naaz hai/ Inpar Rasool e Paak* ke bistar ko naaz hai/ KyuN kar na do jahaan meiN ho inka tazkerah/ Woh bahr haiN Ali, ke samandar ko naaz hai/






Kalam : Brijnath Prashad Makhmoor Lucknawi

Brother of Mathur Lucknawi

Awaaz: Mahakavi


Andaz shabe hijr ke duniya pa jalii haiN
TalwaroN ke saaey meiN Mohammed* ke wasi haiN
Sab deikhte hi rah gaey chehre ki tajalli
Yeh kaun samajhta, ke Nabi* haiN ya Ali* haiN

Kya nafs tha, Khuda ki mashiyat khareed li
Jisko nahiN zawal, wo daulat khareed li
Deeware Kaba shaq hui, uske hi waastey
Jisne rizaaet haq, shab e Hijrat khareed li

Shabe Meraj inqalab mila
Arsh ke paas aaftaab mila
Khak e insaN buland karne ko
AasmaaN par Abu Turab* mila

Mit nahiN sakta kabhi Makhmoor* gham Abbas* ka
Naqsh e Sajda ban chuka hai, har qadam Abbas* ka
Gar jahaN waloN meiN deikheiNge aqeedat ki kami
Hoake Hindu, hum uthaaeiNge Alam Abbas* ka

Pyaase Abbas* kis liye rahte
Jalwe har mauj meiN sama jaate
Karbala ki Furat ke badley
Kaash Ganga kinaare aa jaate


Videos of both kalams...







No comments: