Thursday, August 11, 2011

Khairul Amal ko chhor kar parhte hain jo Namaz...

Hai Hukm-e-Kibriya ki Itaa'at Namaz mein,
Wajib hai Bandagi ki Riwayat Namaz mein

Sajday mein hain Rasool (s.a.w.w),to hain Pusht per Hussain (a.s),
Donon ki ho rahi hai Ibaadat Namaz mein

Shabir ki Namaz Qaza hai ?? naheen naheen,
Dosh-e-Rasool (s.a.w.w) per hai Imamat Namaz mein

Pakeezgi-e-Rooh o Badan hai Ali (a.s) ka Pyar,
Hai is liye to Shart Taharat Namaz mein

Maidaan-e-Jang mein koi kab pa saka inhein,
Hai is liye to in ki Shahadat Namaz mein

Khairul Amal ko chhor kar parhte hain jo Namaz,
karte hain Wo Khuda se Shararat Namaz mein

Wo kitne Bad naseeb hain Jin ke wajood per,
Karti raheen Batool (s.a) bhi Laanat Namaz Mein


   -by Shabeer Ali Merchant

1 comment:

Anonymous said...

Wonderful line up. We'll be linking to this fantastic post on our web site. Sustain the great composing.