Tuesday, August 30, 2011

ALWIDA MAHE RAMZAN


Sikha kar abaadat ka tarzo tareeqa
Hua ham se rukhsat mubaeak maheena

Wo bande jinhn ne bhi roze rakhe hain,
Abaadat me peshe khuda bhi jhuke hain,
Wo anwaare roza se aise saje hain,
Angoothi me jaise chamakta nageena .

Gharon me baharo ka chaya samaan hai,
Khushi ka dilon me naya ek makaan hai ,
Ye rozon ki barkat se wirde zubaan hai ,
Kiya paar rab ne hamara safena .

Khudaya hamain apni qurbat ataa kar ,
Dilon se adawat ki basti fana kar ,
Qabool apne bando ki ye ilteja kar ,
Phir agle baras ham ye payen maheena .
Hua ham se rukhsat Mubarak maheena .

Contributed by Firoze Haider

No comments: